काठमाडौं – निर्माता माधव वाग्ले यतिबेला फिल्म निर्देशनमा जुटेका छन् । गतवर्ष चलचित्र ‘चंगाचेट’मा लगानी गरेका निर्माता वाग्ले यसपटक आफै निर्देशनमा उत्रिन लागेका हुन् ।
उनी अझै शीर्षक तय नभइसकेको फिल्मको तयारीमा जुटेको स्रोतले जनाएको छ । यो फिल्ममा प्रदीप भारद्वाजको कथा हुनेछ । फिल्म एक्सन जानरामा निर्माण हुने जनाइएको छ । तर, फिल्मका बारेमा थप जानकारी दिइएको छैन ।
निर्माण टिमले कलाकार कसलाई लिने भन्ने पनि अझै फाइनल गरेको छैन । यद्यपि फिल्ममा नायिकाको रुपमा अहिलेकी चर्चित नायिका साम्राज्ञी राज्यलक्ष्मी शाहसँग कुरा हुनसक्ने जनाइएको छ । अन्य कलाकारबारे पनि छलफल भएको बुझिएको छ ।
प्रतिक्रिया