कम्पाला– अफ्रिकी मुलुक युगाण्डामा इन्धन बोकेको ट्रक विष्फोट हुँदा कम्तीमा २० जनाको ज्यान गएको छ ।
युगाण्डाको पश्चिमी पश्चिमी युगाण्डाको रुबुरिजी जिल्लामा इन्धन बोकेको ट्रकले नियन्त्रण गुमाउँदा एक्कासी आगलागी भएको र सोही कारण विष्फोट भएको अधिकारीले जनाएका छन् । मारिनेहरुको शवलाई पोष्ट मार्टम तथा डिएनए परीक्षणका लागि अस्पताल लगिएको जनाइएको छ ।
उक्त ट्रक केन्याबाट प्रजातान्त्रिक गणतन्त्र कङ्गोतर्फ गइरहेको अन्तर्राष्ट्रिय सञ्चारमाध्यमले जनाएका छन् । सडक सुरक्षाको कमी, ट्राफिक नियमको अवहेलना तथा कमजोर पूर्वाधारका कारण युगाण्डामा हुने सवारी दुर्घटनामा हरेक वर्ष सयौंको ज्यान जानेगरेको छ ।
प्रतिक्रिया