काठमाडौँ– पाकिस्तानमा चोरी गरेको आरोप लागेका एकजनालाई यातना दिएर आँखा झिकिएको घटना बाहिरिएको छ ।
पाकिस्तानको भावलपुरमा गधाले तान्ने गाडा चोरी गरेको आरोपमा ५ जनाको समूहले सुफियानको आँखा झिकेका हुन् ।
एकजना प्रहरी प्रवक्ताले दिएको जानकारी अनुसार यातनाका कारण सुफियानको एउटा आँखाको दृष्टि पूर्ण रुपमा गुमेको छ भने अर्को आँखामा गम्भीर चोट लागेको छ ।
त्यसबाहेक उनको शरीरका अन्य भागमा पनि चोटपटक लागेको स्थानीय सञ्चारमाध्यमले जनाएका छन् ।
उनलाई बहवल भिक्टोरिया अस्पतालको आपतकालीन वार्डमा भर्ना गरिएको छ । उक्त घटनामा संलग्न ५ मध्ये १ जनालाई पक्राउ गरिएको प्रहरीले जनाएको छ ।
प्रतिक्रिया