काठमाडौं– स्वास्थ्य तथा जनसंख्या मन्त्रालयले समायोजनको पत्र नपाएका स्वास्थ्य सेवाका कर्मचारीलाई कार्यरत रहेकै स्थानमा काम गर्न निर्देशन दिएको छ ।

मन्त्रालयले स्वास्थ्य सेवाका विभिन्न समूह र उपसमूहमा कार्यरत कर्मचारीको समायोजन गर्ने काम गरीरहेको भन्दै पत्र नपाएसम्म कार्यरत क्षेत्रमै काम गर्न निर्देशन दिएको हो । मन्त्रालयले समायोजनको पत्र कार्यरत क्षेत्रमै पठाउने प्रतिद्धता जनाउँदै वर्षात र विपदको समयमा यथास्थानमै काम गर्न आग्रह गरेको हो ।

स्वास्थ्य मन्त्रालयले कर्मचारीको समायोजनको प्रक्रिया सम्पन्न भएपछि पद, नाम तथा स्तरवृद्धिका लागि प्रधानमन्त्री तथा मन्त्रिपरिषद्को कार्यालय, संघीय मामिला तथा सामान्य प्रशासन मन्त्रालय तथा अर्थ मन्त्रालयसँग समन्वय गरीने आश्वासन समेत दिएको छ ।