इंग्ल्याण्डमा नेल्सन नाम गरेका १२ वर्षका एक बालक थिए । उनका मामा पानी जहाजका नाविक थिए । नेल्सन पनि फुर्सदको समयमा आफ्नो मामासँगै जहाजमा गएर काम सिक्ने गर्थे । यो क्रम चल्दै जाँदा उनि एक चतुर नाविक बने।

यही क्रममा उत्तरी ध्रुवको खोजको लागि रेसहर्स नामक जहाज पठाइयो त्यो बेला नेल्सनले पनि यो जहाजमा नाविकको काम गरे र यात्रामा हिंडे । उत्तरी ध्रुव प्रदेशमा सँधैजसो समुद्र बर्फिलो चट्टानले ढाकिरहन्थ्यो ।

त्यहाँ जुनसुकैबेला भयंकर जीवजन्तुको आक्रमण हुने जोखिम हुन्थ्यो । एक दिन कुनै स्थानमा जहाज अड्याएर राखिएको थियो । त्यही समयमा नेल्सन आफ्नो एउटा साथीसँग घुम्न भन्दै निस्किए । साथीसँग घुम्दै जाँदाबीच बाटोमा एउटा भयानक भालुसँग मुठभेड भयो ।
नेल्सन कति पनि डराएनन् उनले त्यो भालुलाई निशाना बनाएर गोली प्रहार गर्न थाले, त्यही क्रममा उनका साथी कप्तान भने अन्य नाविकलाई खबर गर्न भन्दै जहाजतिर भागे ।

समुन्द्रको छालको कारणले नेल्सनको एउटा पनि गोली भालुको निशानमा लागिरहेको थिएन । केही क्षणमा नै उनीसँग भएका सबै गोली सकियो । फेरि पनि उनी डराएनन् र त्यहाँबाट भागेनन् पनि । बरु निर्भयताका साथ बन्दुकको कुन्दाले भालुलाई हिर्काउँन थाले ।

जब जहाजका कप्तान त्यहाँ पुगे र उनले एक गोली हानेर भालुलाई मारिदिए । अनि, उनी नेल्सनको साहस देखेर अचम्ममा परे । कप्तानले नेल्सनसँग सोधे – तिमीलाई भालुसँग डर लागेको थिएन ? नेल्सनले मुस्कुराउँदै जबाफ दिए – कतिपनि लागेन । म यो भालुको छाला आफ्नो बाबुको लागि लिएर जानेछु ।

यही बहादुर बालक नेल्सन ठूलो भएपछि ब्रिटिश फौजका सेनापति बनेर यिनकै वीरताको कारणले वाटरलूको मैदानमा नेपोलियनको हार भयो ।