इग्ल्याण्डका पूर्व डिफेन्डर एस्ले कोलले सक्रिय फुटबलबाट सन्यासको घोषणा गरेका छन् ।

उनले आर्सनल चेल्सी, क्रिस्टल प्यालेल, इटलियन क्लब रोमा लगायतबाट उत्कृष्ठ खेले खेलेका थिए ।

३८ वर्षीय कोल नयाँ सिजनको सुरुवातमा कन्ट्रयाक्ट बीहिनी बनेका थिए । सन् २०१८–१९ को सिजन समापनसँगै ३८ बर्षिय कोल डर्बी काउन्टीबाट कन्ट्रयाक्ट विहीन थिए । उनले अब प्रशिक्षकीय भूमिकामा ध्यान दिने बताएका छन् ।

आर्सनलका लागि सन् १९९९ मा डेब्यु गरेका कोलले त्यसपछि लोनमा क्रिस्टल प्यालेसमा पनि बिताएका थिए । आर्सनलमा शानदार सात सिजन बिताए पछि अर्को लण्डन क्लब चेल्सी पुगेका थिए । चेल्सीबाट इटालियन क्लब एएस रोमाम, अमेरिकी क्लब एलए ग्यालेक्सी हुँदै डर्बीमा आवद्ध हुँदै गत बर्ष इङल्याण्ड फर्किएका थिए ।

इङल्याण्डको राष्ट्रिय टोलीका लागि कुल १०७ क्याप जितेका कोल एफए कपको इतिहासमै सबैभन्दा डेकोरेटेड फुटबलरका रुपमा पनि परिचित छन् । चेल्सीमा रहँदा कोलले सन् २०११–१२ प्रतिष्ठित च्याम्पियन्स लिग जितेका थिए भने सन् २०१२–१३ मा युरोपा लिगको उपाधि जितेका थिए ।