काठमाडौं– कोपा अमेरिका फुटबलमा ब्राजिलले फराकिलो जित निकालेको छ । आज बिहान भएको समूह ‘डी’ को खेलमा पाराग्वेलाई ४–१ गोलले हराउँदै ब्राजिल नकआउट चरण नजिक पुगेको छ ।
ब्राजिलका लागि भिनिसियस जुनियरले २ तथा साभियो र लुकास पाक्वेटाले एक–एक गोल गरेका थिए । त्यस्तै पराग्वेका लागि ओमार अलडेरेटले एक गोल फर्काएका थिए ।
यो जितपछि ब्राजिल २ खेलबाट ४ अंक जोडेर समूहको दोस्रो स्थानमा रहेको छ । यस्तै, लगातार दोस्रो हार बेहोर्दै पाराग्वे प्रतियोगिताबाट बाहिरिएको छ ।
अब ब्राजिलले समूह चरणको अन्तिम खेल जुलाई ३ मा कोलोम्बियासँग खेल्ने छ । यस्तै, पाराग्वेले कोस्टारिकासँग खेल्नेछ ।
प्रतिक्रिया