एजेन्सी– प्यालेस्टिनी शरणार्थीहरूलाई सहयोग गर्ने राष्ट्रसङ्घीय एजेन्सीका प्रमुखले गाजामा घेरामा परेको इलाकामा चलिरहेको युद्धमा औसतमा १० बालबालिकाले आफ्नो एक वा दुवै खुट्टा गुमाइरहेको बताएका छन् ।
“मूलतः हामीसँग हरेक दिन औसतमा एक वा दुई खुट्टा गुमाउने १० जना बालबालिका छन्”, युएनआरडब्लुए प्रमुख फिलिप लाजारिनीले भने ।
यी सङ्ख्याहरूमा हात वा पाखुरा गुमाएका बालबालिकाहरू समावेश गरिएको नगरिएको उनले बताए ।
इजरायलले हमासलाई निमिट्यान्न पार्ने भन्दै गाजामा थालेको पछिल्लो आक्रमणमा हालसम्म ३७ हजार ६०० नागरिकको ज्यान गएको तथ्याङ्क सार्वजनिक भएको छ । अस्पताल र राहत शिविरहरूमा समेत इजरायलले बम बर्साइरहेको छ ।
प्रतिक्रिया