काबुल- अमेरिका र वेस्टइन्डिजमा जारी टी-२० विश्वकप क्रिकेट प्रतियोगितामा पूर्वच्याम्पियन अस्ट्रेलियालाई पराजित गरेपछि अफगानिस्तानमा उत्सवको माहोल छ ।
तालिबानले शासन गरिरहेको अफगानिस्तामा अस्ट्रेलियाविरुद्धको जितमा आतिशबाजी गरिएको छ। उता ‘डिजे ब्राभो’ गीतमा खेलाडीदेखि सर्वसाधारण पनि झुमेका छन् ।
अफगानिस्तानले आइतबार गुलबदिन नायबको ४ विकेट मद्दतमा टी२० विश्व कप सुपर आठ चरणको भिडन्तमा आस्ट्रेलिया जस्तो बलियो टिमलाई २१ रनले हराउँदै ठूलो उलटफेर गरिदिएको छ ।
उसले यो उलटफेरका क्रममा आफ्नो क्रिकेट इतिहासमा एक अर्को सुनौलो अध्याय लेख्न सफल भएको छ । प्याट कमिनन्सले लगातार दोस्रो ह्याट्रिक विकेट लिए पनि त्यो फिका सावित भयो ।
अफगानिस्तानले पहिले ब्याटिङ गर्दै ६ विकेटमा १४८ रन बनाएको थियो । जवाफमा अस्ट्रेलियाको टोली १९.२ ओभरमा १२७ रनमै अलआउट भयो ।
Celebrations in Afghanistan. 🇦🇫
– A historic victory! pic.twitter.com/wHA1Xl9CgL
— Mufaddal Vohra (@mufaddal_vohra) June 23, 2024
अन्तरराष्ट्रिय क्रिकेटमा अफगानिस्तानले आस्ट्रेलियालाई पहिलो पटक हराएको हो । यसका साथै अफगानिस्तानले गत वर्ष वान डे विश्वकपमा मुम्बईमा मिलेको हारको बदला पनि लिएको छ । त्यस समय ग्लेन म्याक्सवेलले अफगानिस्तानबाट जित खोसेका थिए । यस पटक पनि म्याक्सवेल नै चलेका थिए । तर नायबले उनको योजना तुहाइदिए ।
अस्ट्रेलियाविरुद्धको स्मरणीय जितपछि काबुलमा उत्सवको माहोल बनेको छ । मानिसहरू सडकमा निस्किएर खुसी मनाउँदा सडक ठप्प भएको छ ।
जता पनि नजर लगाउँदा मानिसहरू सडकमा देखिन्थे । टी२० विश्व कपमा अस्ट्रेलियाविरुद्ध अफगानिस्तानको पहिलो जितको उत्सव मनाउँदा मानिसहरू हरेक सेकेन्ड आकाशमा आतिशबाजी गरिरहेका देखिन्थे । अफगानिस्तानको खोस्त प्रान्तबाट जारी एक भिडियोमा मानिसहरू अस्ट्रेलियाविरुद्धको जितको ठूलो उत्सव मनाइरहेको देख्न सकिन्छ ।
ड्रेसिङ रूममा उत्सव
THE DRESSING ROOM CELEBRATION OF AFGHANISTAN. 🥶pic.twitter.com/rzVztmrUTp
— Mufaddal Vohra (@mufaddal_vohra) June 23, 2024
अस्ट्रेलियाविरुद्ध ऐतिहासिक जितपछि अफगानिस्तानले खेलाडीहरूको ड्रेसिङ रूममा भव्य खुसियाली मनायो । जसको भिडियो अहिले सामाजिक सञ्जालमा भाइरल भइरहेको छ । भिडियोमा राशिद खान र गुरबाजसमेत कयौँ खेलाडी झुमिरहेको देख्न सकिन्छ ।
प्रतिक्रिया