काठमाडौं– फिल्म ‘बाटोः रोड टू डेथ’को प्रिमियर सम्पन्न भएको छ । पुल्चोकको एक फिल्म हलमा बुधबार प्रिमियर शो आयोजना गरिएको थियो ।

प्रिमियरमा कलाकारहरुको उपस्थिति उल्लेखनीय थिएन । यद्यपि कलकार राजाराम पौडेल, नायक दिव्य देव, कलाकार उषा रजकलगायतका केही कलाकारले शो हेरेका थिए ।

विभिन्न क्षेत्रका तीन सयभन्दा बढी अथितिले प्रिमियर हेरेको निर्माण पक्षको दाबी छ । प्रिमियरपछि धेरैले ‘फरक स्वादको फिल्म’ भनेर प्रतिक्रिया दिएका छन् । फिल्मका प्राविधिक पाटोहरु अब्बल रहेको सिनेमाकर्मीहरुको प्रतिक्रिया छ ।

फिल्मको कलाकाहरु वरिष्ठ अभिनेतृ मिथिला शर्मा, नायक सुलक्षण भारती, उत्पल झा, रक्षा थापालगायतक मुख्य कलाकार कार्यक्रममा उपस्थित थिए । कलाकार पशुपति राई भने कार्यव्यस्तताका कारण उपस्थित थिइनन् ।

जेठ ३२ बाट प्रदर्शनमा आउने यस फिल्मको निर्देशक तथा लेखक मदन थापा हुन् । यसमा चन्दन झाको लगानी रहेको छ ।