पोखरा- नेकपा माओवादी केन्द्रले ‘फ्लोर क्रस’ गरेर मुख्यमन्त्री सुरेन्द्र पाण्डेलाई विश्वासको मत दिएका नेपाल समाजवादीका सांसद फणिन्द्र देवकोटालाई कारबाही गर्ने भएको छ ।

संसदीय दलको ह्विप मिच्दै कांग्रेस संसदीय दलका नेतासमेत रहेका पाण्डेलाई विश्वासको मत दिएपछि कारबाही थालिएको माओवादी गण्डकी संसदीय दलका नेता हरिबहादुर चुमानले बताए ।

देवकोटाले २०७९ मा माओवादीको चुनाव चिह्न हँसिया हथौडाबाट चुनाव जितेका थिए । त्यहीकारण देवकोटा माओवादी संसदीय दलका सदस्य थिए ।

आफू बाबुराम नेतृत्वको नेपाल समाजवादीमा रहेको भन्दै उनले मावादीको ह्वीप नमानी मुख्यमन्त्रीको पक्षमा मतदान गरेपछि कारबाही गरिने चुमानले बताए ।

माओवादीले मुख्यमन्त्री पाण्डेलाई विश्वासको मत नदिन ह्विप लगाएको थियो । तर माओवादी संसदीय दलका सदस्य पाण्डेले त्यसको उलंघन गर्दै फ्लोर पनि क्रस गरे ।