काठमाडौं- गण्डकी प्रदेशका मुख्यमन्त्री सुरेन्द्रराज पाण्डेले विश्वासको मतसम्बन्धी प्रस्ताव प्रदेश सभामा राखेका छन् ।

वैशाख १६ गते मुख्यमन्त्री नियुक्त भएका उनले विश्वासको मतको प्रस्ताव राखेपछि अहिले मत विभाजनबाट छिनोफानो हुँदैछ ।

३० दिनभित्र विश्वासको मत लिनुपर्ने संवैधानिक व्यवस्था छ । अब मत विभाजनका आधारमा विश्वासको मतसम्बन्धी प्रस्तावको छिनोफानो हुनेछ ।

गण्डकी प्रदेश सभामा मुख्यमन्त्रीको दल कांग्रेसका २७, एमालेका २२ माओवादीका ७, राप्रपाका २ र १ स्वतन्त्र सांसद छन् । असार १ गते प्रदेश सरकारले आगामी वर्षको बजेट ल्याउनुपर्ने वैधानिक व्यवस्था छ ।

उता २ सांसद रहेको राष्ट्रिय प्रजातन्त्र पार्टी (राप्रपा) ले पाण्डेले राखेको विश्वासको मत सम्बन्धी प्रस्तावमा मत दिने भएको छ ।

मुख्यमन्त्रीले विश्वासको मतसम्बन्धी प्रस्ताव राखेपछि बोल्दै राप्रपा सांसद पञ्चराम गुरूङले पाण्डे सरकारलाई समर्थन गर्ने बताए ।

अहिले मत विभाजनका आधारमा विश्वासको मतसम्बन्धी प्रस्तावको छिनोफानो हुँदैछ ।

गण्डकी प्रदेश सभामा मुख्यमन्त्रीको दल कांग्रेसका २७, एमालेका २२ माओवादीका ७, राप्रपाका २ र १ स्वतन्त्र सांसद छन् ।