काठमाडौं – नेपाली राष्ट्रिय भलिबल टोलीले अफगानिस्तानी भलिबल टोलीसँगको दोस्रो मैत्रिपूर्ण खेल आज खेल्दैछ । त्रिभुवन आर्मी क्लबको लगनखेलस्थित कर्भडहलमा नेपालले अफगानिस्तानसँग दोस्रो मैत्रिपूर्ण खेल खेल्दैछ ।

नेपाली टोली आजको खेलमा पनि जीत हात पार्दै एभिसी सेन्ट्रल जोन भलिबलका लागि आफु तयार देखाउन चहान्छ भने अफगानि टोली नेपालको घरेलु टोलीलाई रोक्ने लक्ष्यमा छ ।

यसअघि बुधबार भएको पहिलो मैत्रिपूर्ण खेलमा नेपालले अफगानिस्तानको टोलीलाई ३–२ को सेटमा पराजित गर्दै मैत्रिपूर्ण खेलमा राम्रो शुरुवात गरेको थियो ।

एसियन भलिबल संघ(एभिसी) को संयोजनमा एभिसी सेन्ट्रल जोन भलिबल प्रतियोगिता पहिलो पटक नेपालमा आयोजना हुन लागेको छ । प्रतियोगिता भदै २ गतेदेखि ८ गतेसम्म लगनखेलमै हुनेछ ।

उक्त प्रतियोगिताकै लागि नेपाल आएको अफगानि टोलीले नेपालसँग अभ्यास स्वरुप मैत्रिपूर्ण खेल खेलेको हो ।