एजेन्सी– फ्रान्सको कलसिस शहरनजिक रहेको सानगेट र बेलायतबीच डोभर शहरमा रहेको ह्वाइट क्लिफसम्मको दूरी ३५ किलोमिटर छ ।

बीचमा इङ्लिश च्यानल पर्ने भएकाले यहाँका मानिसहरु एक अर्को स्थान जान पानीजहाज वा इङ्लिश च्यानमा निर्मित सुरुङमार्गको प्रयोग गर्छन् ।

तर हालै फ्रांकी जापाता नाम गरेका फ्रान्सेली इन्जिनियरले भने जेट प्रविधिमा आधारित फ्लाइ बोर्डको प्रयोग गरी केबल २२ मिनेटमै यो दुरी पार गरेका छन् ।

उनले मट्टितेल प्रयोग गरिएको जेट प्रविधिमा आधारित फ्लाइबोर्डको सहायतामा ११७ किलोमिटर प्रतिघण्टाको गतिमा इङ्लिश च्यानलमाथि उडेका थिए । करिब ५० फिटको उचाईमा उड्दै उनले यो दूरी २२ मिनेटमै पार गरेका हुन् ।

बीचमा उनी फ्लाइबोर्डमा इन्धन भर्नका लागि बीच समुद्रमा ओर्लेका थिए । उनको सुरक्षालाई मध्यनजर गर्दै केही हेलिकोप्टर समेत उडाइएको थियो ।

यसअघि पनि यस्तै किसिमको फ्लाइबोर्डबाट इङ्लिश च्यानल पार गर्ने अनेक कोशिस असफल भएका थिए । तर, उनले भने सफलतापूर्वक फ्लाइबोर्डको माध्यमबाट इङ्लिश च्यानल पार गर्ने कीर्तिमान कायम गरेका छन् ।