काठमाडौं- सत्ता साझेदार नेकपा (एकीकृत समाजवादी) को ८३औं सचिवालय बैठक सोमबार बसेको छ ।

पार्टी केन्द्रीय कार्यालय आलोकनगरमा बसेको सचिवालय बैठकले विभिन्न पाँचवटा निर्णय गरेको छ ।

बैठकले २ महिनादेखि संसद्‍मा जारी गतिरोध अन्त्यबारे भएको सम्वादको समीक्षा गरेको छ । त्यसैगरी मुस्ताङ र स्याङ्जा जिल्ला कमिटी इन्चार्ज पनि तोकेको छ ।

त्यसैगरी पार्टी उपाध्यक्ष तथा केन्द्रीय स्कुल विभाग प्रमखु  प्रमेश हमालको नेतृत्वमा सातजनाको टोली जेठ १६ गते ५ दिने चीन भ्रमणमा जाने भएको छ ।

के के छन् निर्णय ?

१. केन्द्रीय कमिटीको आठौं बैठकले दिएका सुझावका आधारमा सचिवालयले परिमार्जन गरेको दस्तावेज मातहतका कमिटीलाई पठाउने ।

२. मुस्ताङ जिल्ला कमिटी इन्चार्ज कृष्ण नेपाली र स्याङ्जाको इन्चार्ज अमरराज शर्मालाई जिम्मेवारी दिने निर्णय ।

३. संंसदको गतिरोध अन्त्य गर्नका निम्ति गरिएको सम्वादबारे छलफल ।

४. प्रतिनिधि छनोटबारे आगामी सचिवालय बैठकले निर्णय गर्ने ।

५. अर्वन एण्ड रुरल डेपलभमेन्ट, पोलिसी, प्लनिङ, अनुभव आदान प्रदान गर्ने, कार्यक्रममा पार्टी उपाध्यक्ष तथा केन्द्रीय स्कुल विभाग प्रमखु  प्रमेश हमालको नेतृत्वमा सातजना नेताको टोली जेठ १६ गते ५ दिने चीन भ्रमणमा जाने । उक्त कार्यक्रममा विश्वका विभिन्न देशका प्रनिधिहरूको उपस्थित हुनेछन् ।