काठमाडौं– चिनियाँ प्रविधि उपकरण निर्माता कम्पनी हुवावेलाई नेपाल छाडेर जान भन्दै युवाहरुको एक समूहले प्रदर्शन गरेको छ ।
राजधानीको पुल्चोकमा रहेको हुवावेको कार्यालय अगाडि युवाहरुको समूहले प्रदर्शन गरेको हो । हुवावेले आफ्नो उपकरणका माध्यमबाट अमेरिका र अन्य मुलुकसहित नेपालमा समेत जासुसी गरिरहेका कारण हुवावेलाई नेपाल छाड्न चेतावनी दिएको प्रदर्शनकारी युवाहरुले जनाएका छन् ।
आफूलाई राष्ट्रवादी बताउने उनीहरुले ‘ब्याकअफ हुवावे’ ‘लिभ नेपाल’ जस्ता प्लेकार्ड बोकेर नाराबाजी समेत गरेका थिए । उनीहरुले हुवावेले धेरै नेपाली वेबसाइटहरु ह्याक गरेको आरोप लगाउँदै सरकारलाई हुवावेविरुद्ध कदम चाल्न समेत माग गरेका छन् ।
प्रतिक्रिया