श्रीनगर– भारतले जम्मू कश्मीर राज्यलाई पुनगर्ठन गर्ने निर्णयसँगै लगाइएको प्रतिबन्ध जम्मूमा हटाइएको छ ।
राजधानी श्रीनगरमा पत्रकार सम्मेलनका क्रममा त्यहाँका वरिष्ठ प्रहरी अधिकारी मुनिर खानले जम्मूमा लागेको प्रतिबन्ध पूर्ण रुपमा हटेको जनाएका हुन् । प्रशासनको पछिल्लो कदमसँगै जनजीवन सामान्य बन्दै गएको बताइएको छ । सडकमा मानिसहरुको चहलपहल बाक्लिएको भारतीय सञ्चारमाध्यमले जनाएका छन् ।
यद्यपि कश्मीर उपत्यकाका केही स्थानमा भने प्रतिबन्धलाई निरन्तरता दिइएको उनको भनाइ छ । उनले त्यहाँका जनताले स्वतन्त्रता दिवस भव्यताका साथ मनाउन सकून् भन्नाका लागि प्रतिबन्ध फुकुवा गरिएको जनाए । गत अगष्ट ५ मा भारत सरकारले जम्मू कश्मीर राज्यको पुनगर्ठन गर्ने घोषणा गरेयता जम्मू कश्मीरमा प्रतिबन्ध लगाइएको थियो ।
प्रतिक्रिया