काठमाडौं – लभस्टोरी तथा एक्सन जानरामा निर्माण भएको फिल्म ‘सोच’ को ट्रेलर सार्वजनिक गरिएको छ । भदौ २० गतेबाट प्रदर्शनमा आउने फिल्मको ट्रेलर बुधबार सार्वजनिक गरियो ।

शीर्ष कलाकार प्रज्वल गिरी, नीता ढुंगाना र नवनायक पुजन सिंहबीचको प्रेम र द्वन्द्व देखाइएको ट्रेलरमा देख्न सकिन्छ । फिल्म टिमले यसअघि टिजर र गीत सार्वजनिक गरिसकेको छ ।

पुजन सिंहको कथा तथा निर्देशन रहेको यो फिल्मलाई गंगा रजक र एसडीले लेखेका हुन् । यस्तै फिल्ममा फिल्ममा विदुर पाण्डेको छायांकन रहेको छ । कृष्ण आचार्यको पटकथा तथा संवाद रहेको यो फिल्ममा एनबी महर्जनको द्वन्द्व र प्रितम पाण्डेको सम्पादन छ ।

फिल्ममा उत्तम केसी, विशाल पहाडी, सोनीका, किरण थापा, रितेश श्रेष्ठलगायतका कलाकारले अभिनय गरेका छन् ।