काठमाडौं – विश्वकपको तयारीमा रहेको नेपाली राष्ट्रिय क्रिकेट टोलीले दोस्रो अभ्यास खेलमा विनवार्ड्स भोलक्यानोजलाई १८० रनको लक्ष्य दिएको छ।
पार्क हिल मैदानमा टस जितेर ब्याटिङ गरेको नेपालले निर्धारित २० ओभरमा ९ विकेट गुमाएर १७९ बनाएपछि भोलक्यानोजले १८० रनको लक्ष्य पाएको हो ।
नेपालका लागि अनिल साहले अर्धशतक प्रहार गरे । २७ बलको समाना गरेका उनले ४ चौका र ४ छक्का प्रहारको मदतमा ५० रन बनाए । त्यस्तै कप्तान रोहित पौडेलले ४१, कुशल भुर्तेलले ३८, दिपेन्द्र सिंह ऐरीले २६, सोमपाल कामीले ३ रन बनाए ।
आजको खेलमा नेपालले टोलीमा दुई परिवर्तन गरेको छ । अघिल्लो खेलमा खेलका करण केसी र सागर ढकालको स्थानमा ललित राजवंशी र अविनाश बोहोरा प्लेइङ– ११ मा समावेश छन् ।
प्रतिक्रिया