काठमाडौं– सभामुख देवराज घिमिरे र नेकपा एमाले अध्यक्ष केपी शर्मा ओलीबीच टेलिफोन संवाद भएको छ ।
सभामुख घिमिरेले आज अपरान्ह अध्यक्ष ओलीसँग पनि टेलिफोन संवाद गरेका हुन् । पछिल्लो समय संसद्को अवरोध खोल्ने सभामुख घिमिरे लागिपरेका छन् ।
सो वार्तामा सभामुखले संसद् अवरोध अन्त्य गर्न र भोलि हुने नीति तथा कार्यक्रम सौहार्द्रपूर्ण बनाउन आग्रह गरेका थिए ।
एमाले अध्यक्ष ओलीले यस विषयमा सत्तापक्ष एउटा निष्कर्षमा पुग्ने बताएको स्रोतले जनाएको छ ।
यसअघि सभामुख घिमिरेले विपक्षी दल नेपाली कांग्रेसका सभापति शेरबहादुर देउवा र उपप्रधान एवं गृहमन्त्रीसमेत रहेका राष्ट्रिय स्वतन्त्र पार्टीका सभापति रवि लामिछानेसँग आज छलफल गरेका छन् ।
प्रतिक्रिया