एजेन्सी– हङकङमा सुपर्दगी विधेयकको विरुद्धमा उत्रिएको आन्दोलनले चर्को रुप लिएपछि चीनले आतंकवादको संख्या दिएको छ । सोमबार हजारौं प्रदर्शनकारीले हङकङको विमानस्थल नै कब्जामा लिएर आन्दोलन चर्काएपछि विश्वको चासो हङकङतिर केन्द्रित बनेको छ ।

आन्दोलन हिंसातर्फ उन्मुख भइरहेको अधिकारीहरुले बताएका छन् । हङकङको आन्दोलनलाई लिएर चिनियाँ सेनाले पटक पटक धम्की समेत दिँदैआएको छ । चीनले ‘परिचालित तथा प्रतिक्रियावादी शक्तिको आन्दोलन’ को संज्ञा दिँदै हङकङको आन्दोलन दबाउने चेतावनी छ ।

प्रो डेमोक्रेटिक’ नाम दिइएको यस आन्दोलनबारे अनेक टिप्पणी हुन थालेका छन् । केहीले यस आन्दोलनलाई ‘पश्चिमा शक्तिबाट परिचालित’ भएको जनाएका छन् । प्रदर्शनकारीले हङकङकी कार्यकारी प्रमुख क्यारी लामको राजीनामा समेत मागेका छन् ।

चीनको विशेष प्रशासकीय क्षेत्र हङकङको पछिल्लो आन्दोलनलाई चीनले ‘आतंकवाद’को संज्ञा दिएको छ । पटक पटक चिनियाँ सेनाले प्रदर्शनकारीलाई ठाडै चेतावनी दिँदै आए पनि पछिल्लो पटक प्रदर्शन उत्कर्षमा पुगेपछि ‘आतंकवाद’को संज्ञा दियो ।

प्रदर्शनमा उत्रिएकाहरुलाई आइतबार दिनभर र सोमबार पनि प्रहरीले अश्रुग्यांस प्रहार गरे । स्थानीय मिडियाका अनुसार प्रदर्शनकारीले भने प्रहरीलाई पेट्रोल बम नै प्रहार गरेका छन् । अन्तर्राष्ट्रिय मिडियाले भने आन्दोलन अब छिट्टै निकर्षमा पुग्ने वा चीनले नयाँ निर्णय गर्नसक्ने टिप्पणी गर्न थालिएको छ ।