चितवनको भरतपुर महानगरपालिका-२० दद्राहानी पुलमा विद्यार्थी लिन हिँडेको बसमा पेट्रोल बम हानेर आगजनी गरिएको छ ।
आइतबार बिहान स्मल हेभन बोडिङ स्कुलको बागमती प्रदेश ०६००१ क ००४५ नम्बरको बसमा पेट्रोल बम हानेर आगजनी गरिएको जिल्ला प्रहरी कार्यालय चितवनका प्रवक्ता प्रहरी नायब उपरीक्षक भेषराज रिजालले बताए ।
६ जनाको समूहमाका व्यक्तिहरूले चालक र सह-चालकलाई बाहिर निकालेर बसमा पेट्रोल बम प्रहार गरेको उनले बताए । पेट्रोल बम हानिएपछि आगो लागेर बस पूरै जलेको छ ।
रिजालका अनुसार प्रहरीले घटनास्थलमा पुगेर विवरण लिएको छ । थप अनुसन्धानपछि मात्रै कसले र किन बम प्रहार गरेको भन्ने खुल्न सक्ने उनले बताए ।
प्रतिक्रिया