मुख्यमन्त्री केदार कार्की
बिराटनगर- कोशी प्रदेशमा मध्यावधि चुनाव गर्नुपर्ने नेपाली कांग्रेसभित्र आवाज उठ्न थालेको छ ।
पूर्व सांसदसमेत रहेका कांग्रेस नेता सूयर्माराज राईले अब कुनै अलमल नगरी नेपाली कांग्रेस मध्यावभि चुनावको पक्षमा उभिनुपर्ने बताएका छन् ।
‘कोशीमा कांग्रेसले कुनै अलमल, दुविधा र पार्टीको आन्तरिक कलहको द्वेष नराखी अविलम्ब मध्यावधि घोषणा गर्नुपर्छ,’ कांग्रैस नेता राई भन्छन्, ‘यो लोकतान्त्रिक विधि, राजनीतिको खेल र एकहदसम्म राजनीतिक जीत पनि हो कांग्रेसका लागि ।’
प्रदेशमा मध्यावधि चुनाव गर्दा संविधानको धारा १६८(५) ले पूर्ण व्याख्याको अवसर पनि पाउने राईको भनाइ छ ।
कांग्रेस नेता सुयर्माराज राई
कोशी प्रदेशमा राजनीतिक संकट गरिहिँदै जाँदा कांग्रेसभित्र मध्यावधि चुनावको माग हुन थालेको हो । केदार कार्की नेतृत्वको सरकार संविधानको धारा १६८ (५) अनुसार गठन भएकाले अब फेरि उपधारा २ मा फर्कने कि प्रदेशससभा विघटन हुने भन्ने संवैधानिक प्रश्न उब्जेको छ ।
कार्कीको सरकारले बहुमत गुमाएपछि अहिले एमाले र माओवादीले धारा १६८ को उपधारा २ मा फर्केर मुखमन्त्रीमा दाबी पेश गर्ने बताइरहेका थिए । तर, बुधबार प्रदेश प्रमुख पर्शुराम खापुङले उपधारा ५ अनुसार नै शुक्रबार साँझ ५ बजेभित्र दाबी पेश गर्न भनेका छन् ।
संविधानमा उपधारा ५ अनुसारको सरकारले बहुमत गुमाएपछि पुनः सोही उपधाराको प्रयोग गरेर अर्को सरकार बनाउने स्पष्ट लेखिएको छैन ।
प्रतिक्रिया