काठमाडौं – मोडल तथा पूर्व मिस इन्टरनेशनल नेपाल नीति शाहको डेब्यू फिल्म ‘खजुरे ब्रो’ को प्रिमियर शो सम्पन्न भएको छ । काठमाडौंको सुन्धारामा मंगलबार एक कार्यक्रम आयोजना गरी फिल्म प्रिमियर गरिएको हो ।

कार्यक्रममा नीति निकट मोडल र कलाकारको बाक्लो उपस्थिति थियो । अभिनेता दिव्य देव, हास्य कलाकार हिमेश पन्त र निर्देशक लक्ष्मण सुबेदीलगायत चलचित्रकर्मीले प्रिमियर शो हेरेका थिए ।

प्रिमियरपछि धेरैले नीतिको ‘स्क्रिन टाइम’ कम भएको प्रतिक्रिया दिएका छन् । अभिनेता रेयर राईको अभिनयले तारिफ पाएको छ ।

फिल्ममा नीति र रेयरसहित, महेश त्रिपाठी र नवीन मानन्धर शीर्ष भूमिकामा देखिएका छन् । फिल्मले धरानका अल्लारे केटाहरू र उनीहरूमा देखिएको पैसाको भोकको कथा पेश गरेको छ ।

वैशाख २८ बाट प्रदर्शनमा आउने यस फिल्मका निर्देशक सुरज सुनुवार हुन् । दिव्य दृश्य इन्टरटेन्मेन्टले मान्द्रो प्रोडक्सन र मल्टी प्रपोज प्रालिसँगको सहकार्यमा निर्माण गरेको यस फिल्ममा कलाकार मानन्धर र निर्देशक सुनुवारको लगानी छ ।

सुनील श्रेष्ठ, अनिल मानन्धर र पिकेश मानन्धर सह–निर्माता हुन् ।

थप तस्बिरहरू: