काठमाडौं- वैदेशिक रोजगारीमा जाने कामदारको म्यादी जीवन बिमाको प्रिमियम अनलाइनबाटै हुने भएको छ ।

आगामी भदौदेखि नै वैदेशिक रोजगारीमा जाने कामदारले बिमा खरिद र कल्याणकारी कोषको रकम अनलाइनबाटै भुक्तानी गरिने वैदेशिक रोजगार विभागले जानकारी दिएको छ । म्यादी जीवन बिमाको प्रिमियम अनलाइनबाट नै भुक्तानी गर्न सकिने व्यवस्था गर्ने लागिएको विभागले जानएको छ ।

विभागले अनलाइन पेमेन्ट सिस्टमका लागि सबै तयारी गरिसकेको छ । वैदेशिक रोजगारी म्यादी जीवन बिमाको अनलाइन भुक्तानीका केही सेवाप्रदायक संस्थाहरू विभागको सिस्टमसँग जोडिइसकेको विभागले जानकारी दिएको छ ।

वैदेशिक रोजगार म्यादी जीवन बिमा खरिदमा अनलाइन भुक्तानीको सुविधा सञ्चालनका लागि विभागले समितिसँग सहमति माग गरेर काम गर्ने लागेको हो । यो भन्दा अगाडि समितिमार्फत नै म्यादी बिमाका काम गरिदै आएको थियो ।

खल्ती, इ–सेवा र प्रभु अनलाइन भुक्तानी संस्था विभागको सिस्टमसँग जोडिएको विभागले जानएको छ । नेपाल राष्ट्र बैंकबाट अनुमतिप्राप्त अनलाइन पेमेन्ट सेवाप्रदायक संस्था विभागको सिस्टमसँग जोडिएर काम गर्ने छन् ।