काठमाडौं– भक्तपुर र उदयपुरमा आगलागीबाट १४ लाख रुपैयाँ बराबरको धनमाल जलेर नष्ट भएको छ ।

भक्तपुरकाे  मध्यपुरठिमी नगरपालिका-२ सानोठिमी दिव्यश्वरीस्थित दिव्यश्वरी जग्गा एकीकरण आयोजनाको पानी तान्ने बोरीङ घरमा विद्युत् सर्ट भई बुधबार बिहान आगलागी हुँदा प्यानल बोर्ड १ थान, तिन फेजको मिटर बक्स १ थान, एमसिबि १ थान, फिडर १ थान लगायतका सरसामानहरू जलेर करिब ३ लाख ८६ हजार ५ सय रुपैयाँ बराबरको धनमाल नष्ट भएको छ ।

त्यसैगरी, उदयपुरकाे लिम्चुङबुङ गाउँपालिका-५ हिम्मा ढुकुरथुम्कास्थित रानी सामुदायिक वनमा मंगलबार राति लागेको डढेलो फैलिएर सोही ठाउँ बस्ने जसित राई समेत ४ जनाको घर र गोठमा आगलागी हुँदा करिब ११ लाख रुपैयाँ बराबरको धनमाल जलेर नष्ट भएको छ ।

प्रहरीले स्थानीय बासिन्दाको सहयोगमा आगलागी नियन्त्रणमा लिनुको साथै यस सम्बन्धमा आवश्यक अनुसन्धान गरिरहेको छ ।