काठमाडौं– एसिड आक्रमणबाट पीडित बनेकाहरुको कथामा आधारित फिल्म ‘नमेटिने घाउ’मा पूर्वप्रधानमन्त्री एवं एकीकृत समाजवादीका अध्यक्ष माधवकुमार नेपालको अभिनय रहने भएको छ । कोटेश्वर बहुमुखी क्याम्पसमा मंगलबार उनी छायांकनमा सहभागी भएका हुन् ।

अध्यक्ष नेपाल नेताकै भूमिकामा रहने निर्माण पक्षले जनाएको छ । उनीसँगै राष्ट्रिय प्रजातन्त्र पार्टीका सांसद ज्ञानेन्द्रबहादुर शाही पनि आजको छायांकनमा सहभागी भएका थिए ।

यस फिल्मा नेकपा एमालेका अध्यक्ष केपी शर्मा ओलीको पनि अभिनय रहने निर्माण पक्षले बताएको छ । यही फिल्मबाट अभिनेता रमित ढुंगानले निर्देशनमा डेब्यू गर्दै छन् । यस फिल्ममा उनी स्वयंको पनि अभिनय रहने बताइएको छ ।

यस फिल्ममा धेरै नवकलाकारहरुले पनि अवसर पाएका छन् । आरती आचार्य, रचना गौतम, प्राप्ती पौडेल, टिकटक स्टार इभा गिरी, प्रभात पल ठकुरी सन्दीक लोहनी, अकिल बजगाईँ सिजन राउतलगायतले पनि फिल्ममा अभिनय गरेका छन् ।