रामेछाप – नँया वर्षको अवसर पारेर रामेछापको ताँवेडाँडामा आन्तरिक पर्यटक सङ्गै भक्त्तजनहरुको घुइचो लागेको छ । प्रत्येक वर्ष वैशाख १ गते नयाँ वर्षको दिन ताँवेडाँडा भव्य मेला लाग्ने गर्छ ।

मेलामा रामेछाप, दोलखा, ओखलढुंगा, सोलुखुम्बु, काभ्रे, सिन्धुपाल्चोक, काठमाडौँ, ललितपुर, भक्तपुर लगायत अन्य आसपासका जिल्लाहरूबाट समेत ठुलो संख्यामा आउने गर्छन । रामेछाप जिल्लाको उमाकुण्ड र गोकुलगंगा गाउँपालिकाको सिमानामा अवस्थित छ ताँवेडाँडा ।

धार्मिक, पुरातात्त्विक र आकर्षक दृश्यावलोकनको गन्तव्य हो ताँवेडाँडा ।समुन्द्री सतहबाट करिब ३ हजार १०० मिटर उचाइमा रहेको ताँवेडाँडा बाट नुम्बुर हिमालसहित गौरीशङ्कर, गणेश, जुगल, गौरी पर्वत तथा रोल्वालिङ हिमशृङ्गला जस्ता हिमालहरु आँखै अगाडि देख्न पाइन्छ ।ताँवेडाँडा सदरमुकाम मन्थलीवाट करिव ६ घण्टाको कच्ची सडक मार्ग हुँदै गाडीको यात्रामा सहजै पुग्न सकिन्छ ।