एजेन्सी– अमेरिकामा हाल मेक्सिकोको सीमामा पर्खाल लगाउने कुरा भइरहेको छ । मेक्सिकोबाट गैरकानूनी आप्रवासीहरु आउने भएका कारण उनीहरुलाई रोक्नका लागि अमेरिकाको दक्षिणी सीमामा पर्खाल लगाउने कुरा चलेको हो ।

तैपनि दुई मुलुकको सीमामा पर्खाल निर्माण भइसकेको छैन । केही स्थानमा सामान्य बार लागेको छ जसले मेक्सिको र अमेरिकाको सीमा छुट्टयाइएको छ । यसबाट अमेरिका र मेक्सिकोका जनता एक–अर्को मुलुकमा जान सक्दैनन् ।

तर, बालबालिका र उनीहरुका अभिभावक भने यो बारमा पुगेर रमाइलाे गर्छन् ।

दुई मुलुकको सीमामा बस्ने बालबालिकालाई मध्यनजर गर्दै नयाँ उपाय अपनाइएको छ । दुई मुलुकका सीमा अभियानकर्मीहरुले सीमा क्षेत्रमा लगाइएको बारमा ढिकिच्याउँ बनाएका छन् ।

यसअनुसार बारको बिच भागमा बनाइएको ढिकिच्याउँको एकातर्फ मेक्सिकोका बालबालिका बस्ने र अर्कोतर्फ अमेरिकी बालबालिका बस्ने गरेका छन् ।

यसबाट एक मुलुकका बालबालिकाले अर्को मुलुकका बालबालिकासँग ढिकिच्याउँ खेल्ने गरेका छन् । मुलुक फरक भए पनि उनीहरुको रहर पूरा गर्ने माध्यम बनेको छ- ढिकिच्याउँ ।