इटालीयन फुटबल क्लब इन्टर मिलानले इंग्लिस क्लब म्यान्चेस्टर युनाइटेडका स्टाइकर रोमेलु लुकाकुलाई भित्र्याएको छ । बिहीबार युरोपियन सरुवा बजारको अन्तिम दिन इन्टरले लुकाकुलाई क्लबमा आवद्ध गरेको हो ।

युनाइटेडले लुकाकुका लागि मागेको ८० मिलियन युरो इन्टरले दिएपछि उनी इन्टर जाने पक्का भएको हो । यसअघि इन्टरले ५४ मिलियन पाउण्डको प्रस्ताव गरेको थियो । क्लबबाट बाहिरिने तर्खरमा रहेका लुकाकु मंगलबारको अभ्यासमा नगएपछि क्लबले कारबाही गरेको थियो ।

२६ बर्षीय लुकाकु बेल्जियम राष्ट्रिय फुटबल टोलीका स्टार खेलाडी हुन् ।

२ बर्ष अगाडि एभर्टनबाट क्लबमा भित्र्याउँदा लुकाकुका लागि युनाइटेडले ७५ मिलियन पाउण्ड खर्च गरेको थियो । त्यसैको हारहारीमा पाए लुकाकुलाई बिदा गर्ने लक्ष्यमा  रहेको युनाइटेडले ७४ मिलियन पाउण्डमा छाडेको हो ।

२०१७ मा युनाइटड भित्रीएका लुकाकुले युनाइटेडका लागि ८० गोल गरेका छन् । उनी युनाइटेडका खेलाडीको इतिहासमा चौथो धेरै गोल गर्ने खेलाडी पनि हुन् ।