दोलखा– जिल्लाको वैतेश्वर गाउँपालिकामा प्रधानमन्त्री कृषि आधुनिकीकरण परियोजना बाख्रा पकेट कार्यक्रम मार्फत आएको सात लाख अनुदानमा ६४ वटा बाख्रा वितरण गरिएको छ ।

गाउँपालिकाले पालिका भित्र कानुनीरूपमा दर्ता भएर बिमा गरेर नै बाख्रा पालनमा लागेका ७ वटा फार्म छनोट गरी एक फार्म बराबर ९ वटाका दरले किसानलाई बाख्रा खरिद गरी वितरण गरेको वैतेश्वर गाउँपालिकाकी उपाध्यक्ष कल्पना उप्रेतीले बताइन् ।

पालिकाले वडा नम्बर-१,२,४,५,६ र ७ मा दुई वटा फार्म गरी ७ वटा फार्म सञ्चालक किसानलाई ६४ वटा बाख्रा वितरण गरेको हो ।

बाख्रा पकेट कार्यक्रम मार्फत प्रधानमन्त्री कृषि आधुनिकीकरण परियोजना अन्तर्गत ७ लाख अनुदान आएको थियो । सोही रकमबाट किसानलाई स्थानीय खरी जातको बाख्रा वितरण गरिएको हो ।

सुबास बस्नेत