नयाँ दिल्ली- स्विडेनको रक्षा उपकरण निर्माता कम्पनी साबले भारतको हरियाणामा कारखाना निर्माण थालेको छ । हरियाणाको झाज्जरमा निर्माण थालिएको उक्त कारखानाले साबले बनाउँदै आएको आएको कार्ल गुस्ताफ एम ४ रक्षा उपकरण उत्पादन गर्ने छ ।

यस कारखानाबाट अर्को वर्षदेखि उत्पादन सुरु हुने अपेक्षा गरिएको छ । साब शत प्रतिशत प्रत्यक्ष विदेशी लगानी एफडीआईमार्फत भारतमा सञ्चालन हुने पहिलो रक्षा उपकरण निर्माता कम्पनी हो ।

त्यस्तै, कार्ल गुस्ताफ उत्पादन गर्न स्विडेनबाहिर सञ्चालित साबको यो पहिलो कारखान रहेको साबका वरिष्ठ उपाध्यक्ष होर्गेन जोहानस्सनले जनाएका छन् ।

यसले भारत र स्विडेनबीचको सम्बन्धमा कोशेढुङ्गा थपेको स्विडेनका वैदेशिक व्यापार राज्यमन्त्री हकान जेभरेलले जनाएका छन् ।