यदि तपाईं दुब्लो–पातलो हुनुहुन्छ र त्यसबारे चिन्ता लाग्छ भने अब चिन्ता लिनु पर्दैन ।

दैनिक जीवनमा तपाईंले खाने कुरालगायत केही बानी परिवर्तन गर्नुभयो भने तपाईं मोटाउनु हुनेछ । तपाईंले खाजा खाने बेलामा एक प्लेट गेडागुडी वा तरकारी, दुईवटा अण्डाको अमलेट वा उसिनेको अण्डा, जाम वा घिउ राखिएको तीन पिस ब्राउन ब्रेड र आलु या पनिर खाँदा पनि मोटो हुन सहयोग गर्छ ।

यस्ता छन् मोटाउने तरिका

– तपाईंले प्रत्येक दिन ३ पटकसम्म दूध या दहीसँग केरा मिसाएर खानु भयो भने एक महिनादेखि नै तपाईं मोटाउँदै जानुहुन्छ, तर यसका लागि प्रत्यक दिन सेवन गर्नु आवश्यक छ ।

– तपाईंले सुत्नु अघि तातो दूधमा एक चम्चा मह मिसाएर खानु भयो भने यसले पाचन प्रक्रिया सहज बनाउनुका साथै मोटाउन मद्दत गर्छ ।

– खरबुजाको नियमित सेवनबाट पनि मोटाउन सकिन्छ । खरबुजाले डिहाइड्रेसनबाट समेत बचाउँछ ।

– यसका आलवा तपाईंले आफ्नो भोजनमा कार्बोहाइड्रेडयुक्त खानेकुरा प्रयोग गर्नुभयो भने पनि तपाईं मोटाउनुहुन्छ ।