काठमाडौं । नेपाली राष्ट्रिय क्रिकेट टोलीका पूर्व कप्तान सन्दीप लामिछानेले लाइपोमाको शल्यक्रिया गराएका छन् ।
गत वैशाखमा पनि सन्दीपले लाइपोमाको शल्यक्रिया गराएका थिए । उनले मंगलबार सिल्भरलाइन अस्पतालमा लाइपोमाको दोस्रो पटक शल्यक्रिया गराएको बताइएको छ ।
उनको शरीरका विभिन्न स्थानमा रहेका ७ वटा गाँठाहरू हटाइएको छ ।
जिल्ला अदालत काठमाडौँबाट बलात्कार मुद्धामा दोषी ठहर भएपछि सन्दीप राष्ट्रिय क्रिकेट टिमबाट अलग छन् । जिल्ला अदालत काठमाडौँले पुस १३ गते सन्दीपमाथिको बलात्कार मुद्दामा उनलाई दोषी ठहर गरेको थियो ।
उनीविरुद्ध गत वर्ष भदौमा काठमाडौंस्थित प्रहरी वृत्त गौशालामा बलात्कारको उजुरी परेको थियो ।
याे पनि…
एक्सप्लेनर : १३ लाख तिरेपछि सन्दीप जेल जानुपर्दैन ?
प्रतिक्रिया