खेलको अन्तिम समयमा लुइस स्वारेजले उत्कृष्ट गोल गर्दा आर्सनल विरुद्धको मैत्रिपूर्ण खेलमा बार्सिलोना बिजयी भएको छ ।

प्रि सिजन अन्तर्गतको अन्तिम खेलमा इंग्लिस क्लब आर्सनले स्पेनिस क्लब बार्सिलोना विरुद्ध बलियो टीमलाई मैदानमा उतारेको थियो । तर उसले घरेलु टोलीलाई रोक्न सकेन ।

खेलको दोस्रो हाफमा आर्सनलका एइन्स्ली माइट्ल्याण्डले आत्मघाती गोल गरेसँगै खेलमा बार्सिलोनाले थप दबाब सिर्जना गरेको थियो ।

खेलको पहिलो हाफमा पिएर एमरिकको गोलबाट आर्सनलले अग्रता लिएको थियो । तर दोस्रो हाफमा निल्सले बार्सिलोनाका लागि गोल उपहार दिएपछि बराबरीको अवस्था बन्न पुग्यो ।

खेलको अन्तिम समयमा बार्साका स्ट्राइकर स्वारेजले आफ्नो पूर्व क्लब विरुद्ध उत्कृष्ट गोल गर्दा बार्सिलोनाले नयाँ सिजनको सुखद् शुरुवात गर्ने भएको छ ।

मेस्सीलाई आराम दिइएको खेलमा ९८ हजार ८ सय १२ दर्शकले १०७ मिलियन पाउन्डमा बार्सिलोना भित्रिएका एन्टोनी ग्रिजम्यानको पहिलो झलक हेर्न पाएका थिए ।