एजेन्सी– म्यान्चेस्टर सिटीले कम्युनिटी शिल्डको उपाधि जितेको छ ।

लण्डनको वेम्ली रंगशालामा भएको खेलमा लिभरपुललाई पेनाल्टिमा पराजित गर्दै सिटीले सिल्ड जितेको हो । लिभरपुललाई पेनाल्टीमा ५–४ ले हराउँदै सिटीले सिजनको चौथो उपाधि जितेको हो ।

जर्जिनियो विजनाल्डमको पेनाल्टी प्रहार सिटीका गोलरक्षक क्लाउडियो ब्राभोले रोक्नु भन्दा पहिला ग्राविलय जिससले विजयी गोल गरेका थिए ।

निर्धारित समय एक एक गोलको बराबरीमा सकिएपछि खेल पेनाल्टीमा पुगेको थियो । खेलको शुरुवाती १२औं मिनेटमा नै रहिम स्टर्लिङले गोल गर्दै म्यान्चेष्टर सिटीलाई अग्रता दिलाएका थिए ।

दोस्रो हाफको ७७ औं मिनेटमा लिभरपुलका लागि जोलद माटिपले गोल गर्दै खेल बराबरीमा पु¥याएका थिए । त्यसपछि दुबै टिमबाट गोल हुन सकेन र खेलको निर्णय पेनाल्टी सुटआउटमा गरिएको थियो ।

यसअघि सिटीले प्रिमियर लिग, एफए कप र लिग कपको उपाधि जितेको थियो ।