काठमाडौं – म्याद गुज्रिएका खाद्य सामग्रीहरु बिक्री गरेको आरोपमा ललितपुरको एक खाद्य उद्योग सिल गरिएको छ ।

अनुगमन टोलीले बिभिन्न म्याद गुज्रिएका खाद्य सामग्रीहरु नयाँ लेभलिङ गरी आफुखुसी बजारमा बिक्री वितरण गरेको पाएपछि महालक्ष्मी नगरपालिका वडा नम्बर ८ मा रहेको मिनाक्षी खाद्य उद्योग सिल गरेको हो ।

गोप्य सुचनाको अधारमा काठमाडौं उपत्यका अपराध अनुसन्धान कार्यालयको प्रहरी टोली र बाणिज्य आपुर्ति तथा उपभोक्ता संरक्षण बिभागको संयुक्त अनुसन्धान टोलीले सोमबार उद्योगको अनुगमन गरेको थियो ।

अनुगमनका क्रममा टोलीले म्याद गुज्रिएका विभिन्न खाद्य सामाग्री, मसताहरु, म्याद सकिने मिति मेटाउने स्प्रिट, लेभलिङ गर्ने मेसिन बरामद गरेको छ ।

साथै मिनाक्षी खाद्यउद्योगका संचालकलाई आवश्यक कागजातसहित तीन दिनभित्र उपस्थित हुन बाणिज्य आपुर्ति तथा उपभोक्ता संरक्षण बिभागले निर्देशन गरेको ।