काठमाडौं – ‘ट्वान्टी फर्स्टलभ’ (सिजन अफ लभ टु) को ट्रेलर रिलिज भएको छ । राजधानीमा शुक्रबार पत्रकार सम्मेलन गर्दै ट्रेलर सार्वजनिक गरियो । युट्युबमा समेत सिजनको ट्रेलर सार्वजनिक गरिएको छ ।

प्रेमकथामा आधारित यो सिरिज आउँदो शनिबारदेखि हरेक हप्ता प्रसारण गरिनेछ ।

यो सिरिज ‘ट्वान्टी फर्स्टलभ’को दोश्रो संस्करण हो । एशियन म्युजिकले निर्माण गरेको यो सिरिजमा किशोर/किशोरीको प्रेमकथा देखाइएको छ ।

यो सिरिजलाई एशियन म्युजिकको अफिसियल युट्युब च्यानल र आइफिलिक्समार्फत हेर्न सकिने जनाइएको छ । सिरिजमा कथा तथा निर्देशन विभोर पोखरेलको हुनेछ ।

सिरिजमा कविता आले, संयोग गुरागाइँ, स्नेहा पौडेल, रिजन थापा, फिरोज बस्नेत, स्मृति श्रेष्ठ, कौशल नेपाल, रेजिना खड्का, राजु गायब, पङकज ठकुरी, आयुश्री घिमिरे, कमल अधिकारी, राज राठोर,ब्राह्मी पोखरेल, इभन गुरुङ र विक्रम तामाङ लगायतको अभिनय रहनेछ ।

सिरिजमा मिलन शंकरको छायांकन, नहकुल खड्काको सम्पादन साथै राजन तिमिल्सिना, चन्द्रसिंह घले र सञ्जिब पुडासैनीको संगीत छ ।