काठमाडौंं- चलचित्र ‘महाजात्रा’ को पहिलो गीत सार्वजनिक भएको छ । निर्माण पक्षले माघे संक्रान्तिको अवसर पारेर ‘आहा क्या राम्रो’ बोलको गीत सार्वजनिक गरेको हो ।

गीतमा आश्मा विश्वकर्मा र अरुण क्षेत्रीको नृत्य रहेको छ । उनीहरुलाई नृत्यमा नायिका वर्षा राउतले साथ दिएकी छन् । गीतमा नायक विपीन कार्की, रवीन्द्रसिंह बानिया, रवीन्द्र झा लगायतलाई देख्न सकिन्छ ।

यो गीतमा आशिष अविरल र अस्मिता अधिकारीले स्वर दिएका छन् । एकनारायाण भण्डारीको शब्दमा संगीत भने अविरल स्वयंको हो ।

प्रदीप भट्टराईको लेखन र निर्देशन रहेको ‘फिल्म’ महाजात्रा चैत ९ बाट प्रदर्शनमा आउँदै छ । यस फिल्ममा हरिवंश आचार्य, विपीन कार्की, रवीन्द्रसिंह बानियाँ, रविन्द्र झा, राजाराम पौडेल, वर्षा राउतलगायतको अभिनय रहेको छ ।

षट्कोण आर्ट्सको ब्यानरमा बनेको यो फिल्मको निर्माता म्याक्स दिपेश खत्री, यज्ञश्वर पौडेल हुने भने रबिन्द्रसिंह बानियाँ कार्यकारी निर्माता हुन् ।

यस्तो छ गीत-