आफ्नो घरको बगैँचालाई राम्रो र सुन्दर बनाउनका लागि थरिथरिका बोटविरुवा लगाउने चलन छ ।

विशेष गरी शहरी क्षेत्रमा गमला तथा घर वरिपरिको खाली ठाउँमा विभिन्न किसिमका फूल तथा बोट बिरुवाले सजाउने गरिएको पाइन्छ ।

वास्तु शास्त्रका हिसाबले केही बोटबिरुवालाई घर वरिपरि लगाउँदा शुभ मानिएको छ भने केहीलाई अशुभ मानिएको छ ।

वास्तुशास्त्र अनुसार सकारात्मक ऊर्जा कायम राख्न विभिन्न बोटबिरुवाको महत्वपूर्ण भूमिका रहन्छ । आज हामी काँडेदार बिरुवाका बारेमा चर्चा गर्दैछौँ ।

वास्तुशास्त्र अनुसार घर परिसरमा कुनै पनि प्रकारको काँडेदार बोटबिरुवा हुनु शुभ मानिँदैन । यसले घरमा नकारात्मक ऊर्जा उत्पन्न गराउने विश्वास गरिन्छ ।

सिउँडी  पनि प्रकारको काँडेदार बिरुवा हो यसलाई पनि घर वा आसपासमा रोप्न हुँदैन ।

यस्तो बिरुवा घर वरिपरि हुँदा यसबाट उत्पन्न हुने नकारात्मक ऊर्जाका कारण परिवारका सदस्यबीच आपसी मनमुटाव बढ्ने विश्वास गरिन्छ ।

घरमा खजूरको बोट हुनु वास्तुको दृष्टिले शुभमा मानिँदैन । काँडेदार हुने भएकाले वास्तु अनुसार खजूर घर वा आसपासमा भए यसले पनि नकारात्मक ऊर्जा उत्पन्न गर्ने र घर परिवारको सफलतामा बाधक बन्ने वास्तुको मान्यता छ ।