काठमाडौं– नवजात शिशुलाई जन्मिएको एक घण्टा भित्रमा स्तनपान गराइसक्नुपर्ने चिकित्सकहरु बताउँछन्  । तर नेपालमा जन्मेको  शिशुले एक घण्टामा आमाको दुध पिउन पाउने बालबालिका ५५ प्रतिशत मात्रै रहेका छन् ।

नेपाल जनसांख्यिक तथा स्वास्थ्य सर्वेक्षणकका अनुसार नेपालमा जन्मिएका ४५ प्रतिशत शिशू जन्मेको एकघण्टाभित्र आमाको दूध सेवन गर्नबाट वञ्चित हुने गरेका छन् । नेपालका १० बालबालिका मध्ये ३ जनालाई आमाको दूधबाहेका अन्य खानेकुरा पनि खुवाइने गरिएको छ । नवजात शिशुलाई ६ महिनासम्म आमाको दुधमात्रै खुवाउनुपर्ने हुन्छ ।

विश्व स्वास्थ्य संगठनका अनुसार ६ महिनासम्मका बालबालिकालाई पूर्ण रुपमा स्तनपान गराउनुपर्छ । नेपालमा ६ महिना भन्दा मुनिका दुईतिहाइ बालबालिकालाई पूर्ण रुपमा स्तनपान गराउने गरिएको छ ।

नेपाल जनसांख्यिक तथा स्वस्थ्य सर्वेक्षणका अनुसार नेपालमा ९९ प्रतिशत बालबालिकाहरुलाई कुनै न कुनै समयमा स्तनपान गराइएको थियो ।

बालबालिकालाई कुपोषणको जोखिमबाट बचाउँन ६ महिना पुरा भएपछि आमाको दुधसँगै अन्य खानेकुरा पनि खुवाउनुपर्छ । नेपालमा ६ देखि ८ महिनाका बालबालिकाहरुमा ८३ प्रतिशत बालबालिकालाई स्तनपानको साथै अन्य आहार पनि खुवाउने गरेको सरकरी तथ्यांक रहेको छ ।

बालबालिकालाई आमाको दुधसँगै शारीरिक तथा मानसिक विकासको लागि आयोडिनको आवश्यकता पर्छ । नेपालमा ९५ प्रतिशत घरपरिवारले आयोडिन नुनको प्रयोग गर्ने गर्छन् ।