काठमाडौं– रणवीर कपुर र रश्मिका मन्दन्नाको मुख्य भूमिका रहेको फिल्म एनिमल शाहरुख खान, सन्नी देवल र प्रभावको रेकर्ड ब्रेक गर्दै ‘५०० करोड क्लब’मा प्रवेश गरेको छ । यो फिल्लले आइतबार घरेलु बजार व्यापारमा सो रकमको आँकडा पार गरेको हो । 

संदी भंगाको निर्देशन रहेको एनिमल यो सफलता प्राप्त गर्ने पहिलो ‘एडल्ड’ फिल्म समेत बनेको छ । प्रदर्शनमा आएको १६औं दिनमा ४९७ करोडको व्यापार गरेको यस फिल्मले १७ औं दिन आइतबार ५१२ करोडको आँकडा पूरा गरेको हो । 

यससँगै यो फिल्म सो सफलता प्राप्त गर्ने दोस्रो हिन्दी फिल्म बनेको छ । यही वर्ष प्रदर्शनमा आएको बलिउड किङ खान अभिनीत जवाले १३ दिनमा यो आँकडा पूरा गरेको थियो ।

अहिलेसम्म पाँच हिन्दी फिल्मले यो सफलता प्राप्त गरेका छन् । शाहरुखको पठानले २२ दिन, सनी देवकले गदर–२ ले २४ दिन र बहुबली–२ ले २४ दिनमा ५०० करोडको आँकडा पूरा गरेका थिए । 

यो फिल्मको सफलताले रणवीरले परिचयको अगाडि थपिएको ‘सुपरस्टार ट्याग’लाई अझ मजबुत गराएको भारतीय मिडियाले जनाएका छन्  

एनिमलको तेस्रो साताको कमाइ 
एनिमलले दोस्रो साता ९३.६ करोड भारुको व्यापार गरेको थियो । तेस्रो साता पनि एनिमलको घरेलु व्यापार उत्साहजनक रहेको भारतीय मिडियाहरूले दाबी गरेका छन् । 

तेस्रो साता यस फिल्मले बढीमा ३७ करोडको व्यापार गरेका छ । यो दोस्रो साताको तुलनामा ६० प्रतिशतले कम हो । जुन विभिन्न रेकर्ड ब्रेक गरेको फिल्मको लागि सुखद व्यापार हो । 

विदेशी बजारमा राम्रो व्यापार गर्न सक्ने अभिनेता भनेर चिनिने रणवीरको यस फिल्मको बाह्य व्यापार पनि उत्साहजनक छ । देश बाहिर पनि यस फिल्मले विभिन्न रेकर्ड राखेको छ ।