ताप्लेजुङ- नेकपा एमालेका सचिव योगेशकुमार भट्टराई चढेको गाडीमा तोडफोड भएको छ । ताप्लेजुङबाट काठमाडौँ फर्किने क्रममा सचिव भट्टराई चढेको गाडीमा पहिचानवादी समूहका कार्यकर्ताले तोडफोड गरेका हुन् ।
त्यसअघि उनलाई कालो झन्डा देखाइएको थियो । ताप्लेजुङस्थित आफ्नै निवासअगाडि सचिव भट्टराईलाई पहिचानवादीहरुको समूहले कालो झन्डा देखाएका हो ।
एमालेले आयोजना गरेको कार्यक्रममा सहभागी हुन गृहजिल्ला पुगेका भट्टराईलाई कालो झन्डा देखाउँदै पहिचानवादी कार्यकर्ताहरुले उनीविरुद्ध नाराबाजीसमेत गरेका थिए ।
पहिचान पक्षधरले कोशी प्रदेश नामको खारेजी हुनुपर्ने, साथै किराँत राज्य हुनुपर्नेलगायतका माग गर्दै नाराबाजी गरेका थिए ।
प्रतिक्रिया