कंगना रनावतको फिल्म ‘जजमेन्टल है क्या’ यतिबेला रिलिजका क्रममा छ । दर्शकले यो फिल्मलाई लिएर राम्रो प्रतिक्रिया दिएका छन् । फिल्ममा कंगना रनावत र राजकुमार रावको टक्कर देखाइएको छ ।

यो फिल्मले बक्स अफिसमा पनि सकारात्मक प्रतिक्रिया पाएको छ । तर हलमा रिलिज भएको केही दिनमै यो फिल्म एचडी क्वालिटीमै लिक भएको छ । भारतीय मिडियाका अनुसार यो फिल्म रिलिजको केही घण्टामै एचडी क्वालिटीमा लिक भएको थियो ।

तमिलरकर्सले फिल्म लिक गरिदिएपछि यसको व्यापारमा घाटा लाग्ने भएको छ । त्यसो त अन्य फिल्म पनि यसरी नै पाइरेसीको मारमा परेका थिए ।

कंगना रनावतका कारण यो फिल्म लामो समयदेखि चर्चामा थियो । फिल्मको शीर्षकलाई लिएर पनि बबाल मच्चिएको थियो । पहिले फिल्मको नाम ‘मेन्टल है क्या’ थियो । विवाद भएपछि पछि यसको नाम परिवर्तन गरिएको थियो ।