काठमाडौं- नेपाल सुपर लिग एनएसएलको पहिलो खेलमा साविक विजेता काठमाडौं रेजर्स एफसीले विजयी सुरुवात गरेको छ । दशरथ रंगशालामा शुक्रबार भएको उद्घाटन खेलमा काठमाडौंले स्पोर्टिङ इलाम एफसीलाई १–० ले हरायो । काठमाडौंका लागि राजीव लोप्चनले विजयी गोल गरे ।
दोस्रो हाफको सुरुमै प्रशान्त अवस्थीको स्थानमा मैदान प्रवेश गरेका राजीवले ५१औं मिनेटमा गोल गर्दै काठमाडौंलाई अग्रता दिलाएका थिए । त्यही गोलको अग्रता जोगाउँदै काठमाडौंले प्रतियोगितामा सुखद सुरुवा गरेको छ ।
लिग अन्र्तगत शनिबार दुई खेल हुनेछन् । पहिलो खेल पोखरा थण्डर्स र एफसी चितवन तथा दोस्रो खेल ललितपुर सिटी र एफसी बुटवल लुम्बिनी बीच हुनेछ ।
प्रतिक्रिया