एजेन्सी– भारतीय क्रिकेटका हस्ती महेन्द्र सिंह धोनी जब सैन्य पोषाकमा देखिए तब उनका फ्यानहरु निकै अचम्ममा परे ।

भारतीय क्रिकेट टिमका पूर्व कप्तान तथा विकेट किपर महेन्द्रसिंह धोनीले जम्मु कास्मिरमाका सैनिकको रुपमा काम गर्ने भएका छन्।

यसरी खेल जीवन बाहेकको पाटो थाहा पाएपछि उनका फ्यानहरु चकित भएका हुन् । सेनाको प्यारासुट रेजिमेन्टका मानार्थ लेफ्टिनेट कर्णेल धोनीले १०६ प्रदेशीय बटालियनमा रहेर आगामी ३१ जुलाई देखि १५ अगस्टसम्म काम गर्नेछन्। त्यहाँ रहँदा उनले गस्ती, गार्ड र पोस्टको ड्यूटी गर्नेछन्।

३८ वर्षीय धोनी सन् २०११ मा प्रादेशिक सेनाको मानार्थ लेफ्टिनेट कर्णेल बनेका थिए। यसअघि प्यारासुट रेजिमेन्टमा दुई महिना बिताउने धोनीको चाहनालाई भारतीय स्थल सेना प्रमुख बिपिन रावतले अनुमति दिएका थिए।