इटहरी– सशस्त्र प्रहरीका जवान डेढ लाख रुपैयाँ घुस रकमसहित पक्राउ परेका छन् ।
व्यापारमा सहजीकरण गरिदिने भन्दै लिएको घुससहित सुनसरीको इनरुवास्थित सशस्त्र प्रहरी नम्बर ४ गणमा कार्यरत जवान बलराम यादव पक्राउ परेका हुन् ।
पूर्व सूचनाका आधारमा अख्तियार दुरुपयोग अनुसन्धान आयोगको इटहरीस्थित कार्यालयबाट खटिएको टोलीले यादवलाई १ लाख ५० हजार रुपैयाँ घुससहित पक्राउ गरेको हो ।
यादवलाई देवानगञ्ज गाउँपालिका–३ कपान्तगञ्ज बजारबाट नियन्त्रणमा लिइएको अख्तियारले जनाएको छ ।
अख्तियारका केन्द्रीय प्रवक्ता प्रदीपकुमार कोइरालाका अनुसार घुससहित पक्राउ परेका सशस्त्र प्रहरीका जवान यादवमाथि थप अनुसन्धान भइरहेको छ ।
प्रतिक्रिया