अब अष्ट्रेलियाले फेसबुक, गुगल लगायतका प्राविधिक कम्पनीले प्रयोग गर्ने अल्गोरिदमलाई नियमन गर्ने भएको छ ।

यस्ता कम्पनीहरुले प्रयोगकर्तासमक्ष कस्तो किसिमका विज्ञापन पुर्‍याउँछन् भन्ने विषयमा जानकारी लिनका लागि अष्ट्रेलियाले अल्गोरिदम नियमन गर्न लागेको हो ।

अष्ट्रेलियाको प्रतिस्पर्धा तथा उपभोक्ता आयोगले विशेष शाखा स्थापना गरी इन्टरनेटको अल्गोरिदम नियमन गर्न लागेको अन्तर्राष्ट्रिय सञ्चारमाध्यमले जनाएका छन् ।

अल्गोरिदमको माध्यमबाट कम्पनीहरुले निश्चित किसिमको प्रयोगकर्तासमक्ष निश्चित विज्ञापनको पहुँच पर्‍याउने गरेका छन् ।

यसबाट प्रयोगकर्तासमक्ष जाने डिजिटल विज्ञापनको नियमन हुने र ती कम्पनीहरुको पारदर्शीता स्पष्ट हुने अष्ट्रेलियानअधिकारीले जनाएका छन् ।

यसअघिका अध्ययनबाट गुगल लगायतका कम्पनीको अल्गोरिदमबाट आफ्नो विज्ञापनमात्र अधिकांश प्रयोगकर्तासमक्ष पुर्‍ याउने गरेको नतिजा सार्वजनिक भएको थियो । यसबाट डिजिटल विज्ञापनमा अस्वस्थ प्रतिस्पर्धा भएको भन्दै आलोचना समेत हुँदै आएको थियो ।