काठमाडौं- सगरमाथा टेलिभिजनबाट दैनिक विहान ९:१५ बजे प्रसारण हुने ‘जीवनमन्त्र’ कार्यक्रम अब युट्युबबाट पनि हेर्न सकिने भएको छ ।

दर्शकको मागलाई सम्बोधन गर्दै कार्यक्रम जीवनमन्त्र युट्युबमा समेत राख्न थालिएको कार्यक्रम प्रस्तोता एस्ट्रो राजले बताए । जीवनमन्त्र कार्यक्रम युट्युबमा हेर्नका लागि तपाईंले Astro Raj channel सस्क्राइब गर्नुपर्नेछ ।

यस कार्यक्रममार्फत एस्ट्रो राजले विगत लामो समयदेखि मानिसको भुत, वर्तमान र भविष्यका बारेमा फलादेश गर्दै आएका छन् । लामो समयदेखि ज्योतिष शास्त्रको अध्ययन, अनुसन्धानमा लागेका एस्ट्रो राजले ज्योतिष सम्बन्धी विभिन्न राष्ट्रिय, अन्तर्राष्ट्रिय अवार्ड समेत जितिसकेका छन् ।

वेष्ट एष्टोलोजर एसिया अवार्ड समेत हात पारिसकेका उनले खबरहब डटकममा दैनिक ग्रहफल लेख्दै आएका छन् ।

यसैबीच, राजधानी बाहिरका आम दर्शक तथा शुभचिन्तकहरुसँगको प्रत्यक्ष साक्षात्कारका लागि यही साउन १७, १८ र १९ गते हेटौंडामा एस्ट्रो राजले तपाईहरुको ग्रह दशा फलादेश गर्ने कार्यक्रम तय गरेका छन् ।

त्यसैगरी साउन २१ र २२ गते सिन्धुलीमा यस्तै कार्यक्रम आयोजना गरिने उनले बताए । यसअघि पनि उनले बाँकेको नेपालगञ्ज, चितवन, कास्कीको पोखरा, रुपन्देही, नवलपरासी, झापा, इटहरी, विराटनगर, धरान, वीरगंज लगायतका जिल्लामा पुगेर त्यहाँका स्थानीयसँग प्रत्यक्षरुपमा ज्योतिसम्बन्धी अन्तरक्रिया गरेका थिए ।