यदी तपाईंलाई कफीको मूल्यमा कसैले घर किन्न पाइन्छ भन्यो भने हास्नु हुन्छ होला । तर यो वास्तविकता हो, त्यो पनि यूरोपमा ।

युरोपको इटलीमा १ डलर (करिब ११० रुपैयाँ)मा घर किन्न पाइने नयाँ योजना त्यहाँको सरकारले ल्याएको छ । त्यो पनि समुद्र तटमा । निकै राम्रो दृश्य देख्न पाइने यो स्थानमा यति सस्तोमा घर किन्न पाइने अन्तर्राष्ट्रिय सञ्चारमाध्यमहरुले जनाएका छन् ।

मानिसहरु पलायन हुन थालेपछि इटलीको एक शहरले एक डलरमा घर दिने योजना अघि सारेको हो ।

इटलीको सारदिनिया शहरमा १ डलरमा पाइने छ । मेडिटेरियन टापुको सारदिनियामा समुद्रको किनारामा शानदार दृश्य देख्न पाइने स्थानमा घर बेच्न लागिएको हो । यो शहरलाई विरानो र सुनसान हुनबाट बचाउनका लागि त्यहाँको सरकारले यस्तो अनौठो योजना ल्याएको हो ।

के हो शर्त ?

एक डलरमा घर किन्नका लागि केही शर्तहरु राखिएको छ । जसका लागि पहिला ५ हजार पाउण्डको रिफन्डेबल सिक्युरेटी जम्मा गर्नुपर्ने हुन्छ । यसपछि नयाँ घरका मालिकलाई तीन वर्ष भित्र घरलाई जिर्णोद्धार गर्नुपर्छ ।

त्यसपछि रिफन्डेबल सिक्योरिटीको रकम फिर्ता लिन पाइन्छ ।

यो शहरलाई प्राचीन युनानीहरुले बसाएका थिए । जसलाई विरानो हुनबाट जोगाउन सरकारी अधिकारीहरुले यस्तो अनौठो स्किम ल्याएका हुन् ।